《番外篇之台北遊~ Episode 3～ 炭火烤肉》
香港地，想食炭火燒烤，除左去BBQ之外，真係諗唔到太多地方食到，就算係網燒任食，閒閒地都要差不多三百，仲要限時限刻，所以炭烤吃到飽已經成為小編去台灣必到之處
個人認為番炒好浪費quota,所以小編每次都會到不同的地方搵食，感受不同的環境、服務和食物質素
今次就嚟到西門町繼光香香雞附近的我!就厲害
小編揀得的就梗係大件夾抵食架啦～呢間炭烤吃到飽分三個價錢，得意嘅就係較平的兩個價錢包免費火鍋，但最貴的反而不包括火鍋...唔知係咪想大家能夠吃多一些較貴的炭烤海鮮食物呢!?
因為今日小編同友人都打算主攻牛肉，所以並無選擇最貴的海鮮餐，但後悔的係，如果揀最貴嘅餐係會有專人服侍的，知道就俾貴少少啦....其實都只不過係差100台幣（即係港幣25元到）
去得旅行，小編一定係玩到盡，呢個係今日嘅最後一餐，去到都已經成十點，雖然餐廳收兩點但都已經係食最尾個round咁,侍應都好似唔太得閒理我哋，每次叫嘢食都要揮好耐手，但係佢哋又會好殷勤咁幫我地換網，比着香港嘅燒肉店真係睬我地都傻
食物方面，小編其實都係食肉獸，只是叫了一回魚，扇貝是跟餐贈送的，一人只有一隻，牛肉方面點了六回的牛舌，每次只有薄薄的四片，調味得恰到好處，牛沙朗亦不斷安哥，另外雞排意想不到地嫩滑，而且雞軟骨也非常好吃，佢並不是喺香港食開嘅雞軟骨部位，而是近胸骨那邊的軟骨, 沒有連着脂肪，比較清爽
食了無數回合後，便到甜品了，餐廳提供自助雪糕，分別有明治，哈根達斯，還有一款不記得牌子了，但總共有多達20款味道供應，另外，烤麻吉配雪糕是一絕的啊～又是完滿的一日😝
地址：台北市萬華區漢中街127號5樓
Search